All’antica pizzeria « Don Michele »

Vicino a nu cliente ca và ’e pressa,

cu chesta frase se risponne spisso:

chello ca vuie cercate nun so’ pizze

 ch’a nu mumento a n’ato pozzo fà! .

Chi dice chesto è certo ’n’ignorante,

offende ’a pizza, l’arte e pure ’e sante,

pecché ’na pizza al forno o nu ripieno nun songo cose facile da fà.

’A primma cosa, pe’ ’mpastà l’impasto, a parte l’esperienza ca nun basta,

ce vonno ’e mm’ane fine ’e nu scultore ca quanno ’mpasta… ’a pasta s’hadda stà.

Siconda cosa, pe’ ce dà ’o culore

ce vonno l’uocchie esperte ’e nu pittore,

ca quanno spanne ’ncoppo gli ingrediente pare nu quadro pronto a ’ncurnicià.

Gennaro Esposito